Í þessari vetrartíð er gott að hugsa til sumarsins. Hérna er falleg mynd af Abel sem við fengum senda um daginn. Engin loðin vetrarfeldur þarna! Útreiðar ganga annars nokkuð vel og það er nú ansi gott að geta þjálfað inni þegar vont veður geysar úti. Raggi er að undirbúa sig fyrir smá keppnistörn í febrúar á meðan Sandra er á leiðinni erlendis til að halda nokkur reiðnámskeið.

Raggi fór með Stiklu á Nýárstölt Léttis um helgina og hryssan var mjög góð hjá karlinum. Stikla hlaut hæstu einkunn eftir forkeppni, 7,00, ásamt 9,5-töltaranum Randalín frá Efri-Rauðalæk og Guðmundur K. Tryggvasson.
Stikla endaði svo í öðru sæti og ræktandi og eigandi hennar var frekar ánægð með bæði hryssuna og karlinn.
Margir vildu vita undan hvaða hesti “þessi rauða” er og hún er sem sagt undan Smára frá Skagaströnd, hvað annað! og mamma hennar er Gassadóttirin Þruma frá Hvítárbakka sem er nefnd í frétt hérna aðeins neðar á síðunni.
Gaman var að koma í svona flotta aðstöðu eins og reiðhöllin á Akureyri er och eins að hitta svona mikið af Léttismönnum/Akureyringum aftur. Hérna er úrslit mótsins og smá videobrot einnig:

1. Guðmundur Karl Tryggvason/Randalín frá Efri-Rauðalæk 7,50
2. Ragnar Stefánsson/Stikla frá Efri-Mýrum 7,17
3. Baldvin Ari Guðlaugsson/Senjór frá Syðri-Ey 6,58
4. Þorvar Þorsteinsson/Einir frá Ytri-Bægisá 1 6,42
5. Úlfhildur Sigurðardóttir/Sveifla frá Hóli 6,08

Svona litur út í snjókistunni á Hléskógum um þessar mundir. Skemmtilegt að geta þjálfað á völlinn núna!

Hérna eru þau syskinin Vilborg, Varmi og Fruma (neðan) öll undan henni Þrumu okkar frá Hvítárbakka.
Vilborg er mikil og viljug alhliðahryssa á 5. vetur undan Sólon frá Skáney og hún er mikið tamin miðað við aldur en hún slasaðist á afturlöpp í fyrra vor og hefur verið í hvíld síðan þá. Hún virðist í lagi núna og er hún komin inn í þjálfun.
Varmi er tveggja vetra hestur undan Geisla frá Úlfsstöðum og hann fór “óvart” í smá fortamningu núna þar sem hann kom inn vegna þess að það átti að greiða flóka úr faxinu á honom. Þetta er hestur sem það er búið að fara mjög lítið fyrir í uppeldi þess vegna kom hann okkur skemmtilega á óvart þegar byrjað var að eiga við hann.
Svo er það Hróðsdóttirin Fruma sem fór í fínan dóm í fyrra, 8,23 og hún er núna fylfull hjá nýjum eigendum sínum.
Við eigum undan Frumu hest fæddan 2009, Frumherja frá Hléskógum, sem er undan Ægir frá Litla-Landi og hlökkum við mikið til að byrja temja hann næsta haust.

Gleðilegt ár allir! Hérna er stafsemin farin af stað og hérna má sjá myndbrot frá hesthúsinu á Hléskógum sem að mestu leyti er tilbúið. Smá fínpúss eftir við að múra og mála. Góður andi er í húsinu og gott rými fyrir bæði hesta og menn. Verið velkomin inn:

Áttum góð jól og núna heldur vinnan áfram. Búið er að taka eitthvað inn og  fleiri hestar eru á leiðinni inn næstu daga.
Við eigum eins og er nokkur pláss laus í tamningu. Kaffistofan er klár og er m a s með eldavél!
Stór og góð klósett eru einnig í kaffistofurýminu og það var mikil vinna að þrifa ryk og drasl þar eftir steypuvinnu.
Hesthúsið er langt komið og nánast tilbúið öðru megin, það  á eftir að setja upp fleiri ljós og vatnsskálar sem og eina gúmmimottulengju í viðbót (þarf sterka karla í það, mjög þungt að koma þessu fyrir) sem eru alveg magnaðar.
Auðvelt að sópa og minnkar mikið lætin við að hleypa inn og út auk þess sem þær sparar gólfið fyrir skafla og ryk. Það er frábært að hafa einshestastíur,  mikil ró er í húsinu og hestarnir eru með spænir upp í ennistopp á morgnana.

Þetta er “bráðum” að verða búið. Nýja hesthúsið á Hléskógum er að taka sér mynd og reiknað er með að taka inn á húsi eftir helgi þó að það á eftir að græja eitthvað smotterí. Alls eru 19 pláss, þar af 6 stóðhestastíur og smiðirnir sögðu “að þetta getur nú alveg verið 36 hesta hús”  þar sem þeim fannst stíurnar frekar stórar.  Frá því að við fluttum í Hléskóga erum við búin að vera alveg á haus í framkvæmdum, þó einkum í hesthúsinu og það er búið að vera lítill tími í að fara að hitta vini og vandamenn hvað þá að undirbúa jól og jólastússast!  En núna ætlum við að klára þennan hesthúspakka svo verður haldin smá influtningsgleði hér á bæ, hvort sem það verður með jólaskreytingum eða ekki.
Við erum búin að vera með nokkur hross í léttri þjálfun í haust og Álfssonurinn Abel, 3 v. er kominn af stað  í frumtamningu. Abel er mjög geðgóður sem gaman er að vinna með og hann kippir mikið í föðurkynið hvað varðar hreyfingar og útlit. Aðstaðan til tamningar og þjálfunar á Hléskógum er mjög góð og mikill lúxus að geta unnið með t.d. frumtamningar innandýra. Hérna er lika gefið á inniskónum og í náttfötunum fyrir morgunmat þar sem íbúðarhúsið og hesthúsið er sambyggt!
Mikill snjór er á svæðinu og  stóðið var sett á gjöf í byrjun desember.

Framkvæmdin á hesthúsinu gengur hægt en örugglega fyrir sig. Mikil vinna er að pússa steypu en svo tekur skemmtilegt verkefni við; að mála! Stíurnar eru allar eins hesta og er hver um sig rúmar 6 fm2. Alls verða 19 stíur og þar af 6 stóðhestastíur. Stefnum á því að klára hesthúsið fyrir 15 desember!

Þetta er búið að vera langur ferill en við erum loksins flutt á nýja jörð, Hléskógar í Eyjafirði. Það er mjög gott að vera komin aftur norður og á Hléskógum er allt á fullu með að breyta og bæta. Áhersla er lögð á að inrétta og klára nýtt hesthús og verða þar 19 stíur sem hver um sig er 6,2 m2 og verður tekið inn um leið og húsið verður tilbúið.
Höfum einnig selt nokkur hross og eru þau Neisti, Hvöt, Fjalladís og Töfradís á leið til nýrra eigenda erlendis.
Embla hugsar vel um hrossin á meðan og hún fer á hverjum degi að gefa þeim brauð.

Þvílikur gæðingur! Viti frá Kagaðahóli. 9,5 tölt 4 vetra.

Allar hryssurnar okkar eru komnar heim, fylfullar, feitar og fínar.
Hérna er listi yfir stóðhesta sem við notuðum í sumar:

Kolfinna -Eldur frá Torfunesi 8,37 a.e.
Kylfa-Mjölnir frá Hlemmiskeiði 8,49 a.e.
Þruma-Blær frá Torfunesi 8,55 a.e.
Líra-Viti frá Kagaðahóli 8,08 a.e.
Salbjörg-Smári frá Skagaströnd 8,34 a.e.
Díana-Smári frá Skagaströnd 8,34 a.e.
Smáradís-Adam frá Ásmundarstöðum 8,36 a.e.  
Fjalladís (Seld) -Fláki frá Blesastöðum 8,49 a.e.

Fengum einnig lánaða sýnda Baldursdóttur sem fór undir Klakann frá Skagaströnd. 2 vetra sonur Álfs frá Selfossi og Sunnu frá Akranesi. Virkilega spennandi og flottur foli hér á ferð!

Klakinn frá Skagaströnd